"Әншілердің дәуірі өтті, әкім мырзалар": танымал тележүргізуші Қайрат Нұртастың Шымкенттің құрметті азаматы атануына қатысты пікір білдірді

Шымкент әкімі Ғабидолла Әбдірахымовтың ұсынысымен Қайрат Нұртас мегаполистің құрметті азаматы атанды. Осыған қатысты танымал тележүргізуші Бибігүл Дәулетбекқызы Instagram желісіндегі парақшасында пікір білдіріп, мұндай мәртебеге әнші емес, ұлағатты ұстаз бен саналы ұрпақты өмірге әкелген ата-ана лайықты екенін жазды. Бұл туралы Stan.kz хабарлайды.

Талай хит әндердің орындаушысы Қайрат Нұртас берілген мәртебенің арқасында Шымкент қаласына келгенде қоғамдық көліктерде тегін жүре алады. Тележурналистің сөзінше, "Ролс Ройс" сынды қымбат көліктерді мінген әншіге бұл керек те емес. Есесіне тегін жолақыға көпбалалы ана мен ұстаз мұқтаж.