Сыр балалары «Күлтегін» батырмен танысты
ҚМДБ – ның Қызылорда облысы бойынша өкілдігі, «Жастар ісі» бөлімінің және «Жастар ресурстық орталығы» КММ – нің ұйымдастыруымен Сырдария өзенінің сол жағалауында орналасқан «Жастар орталығы» ғимаратында Қызылорда қалалық «Сұлтан» мешітінің жазғы сауат ашу курсында білім алушы балаларына «Күлтегін» мультфильмі көрсетілді.Тарихтан сыр шертетін «Күлтегін» мультфильмінде көшпенді халықтардың басын біріктірген Түрік қағанатының даңқты әскери қолбасшысы Күлтегіннің қалай батыр болғаны туралы айтылады.Шараның мақсаты балаларды ерлікке, бірлікке тәрбиелеу.
Ұлттық құндылықтарымызды дәріптеу мақсатында ұйымдастырылған шара соңында балалар Жастар орталығының жаңа ғимаратын аралап, тыныс-тіршілігімен танысты.
ҚМДБ-ның Қызылорда облысы бойынша өкілдігінің баспасөз қызметі
