ЭЛИЗАБЕТ – «ЖЫЛДЫҢ ҮЗДІК ЖАС СПОРТШЫСЫ»
Астанадағы «Хилтон Астана» қонақүйінде спорт саласындағы үздіктер марапатталды.ҚР Ұлттық Олимпиада комитетінің төрағасы Тимур Құлыбаевтың бастамасымен ұйымдастырылған шара аясында биыл үздіктерді анықтау жаңа жүйеде өтті. Жанкүйерлер olympic.kz сайты арқылы бір ай бойы дауыс берді.
Салтанатты шарада «Үздік жас спортшы-2017» сыйлығы мәнерлеп сырғанаудан әлемдік аренада ел намысын абыроймен қорғап жүрген халықаралық дәрежедегі спорт шебері, ҚР 4 дүркін чемпионы Элизабет Тұрсынбаеваға табыс етілді.
Элизабет өзіне дауыс берген барлық жанкүйерлеріне алғыс айтып, бұл Кореяда Олимпиада алдында өзіне үлкен қолдау екендігін атап өтті.
