ӘЛЕМ ЧЕМПИОНАТЫНДАҒЫ ҮЗДІК ГОЛ АНЫҚТАЛДЫ
Франция құрамасының қорғаушысы Бенжамен Павардың Аргентинамен 1/8 кезеңдегі матчта (4:3) соққан голы биыл Ресейде өткен әлем чемпионатында үздік деп танылды, - деп хабарлайды Vesti.kz. Жеңімпаз жанкүйерлердің онлайн түрде дауыс беруі арқылы анықталды. 18 үміткер болды. "Доп көгалда зытқи түсті, - деп еске алды Павар. - Ойлануға уақыт болған жоқ, доп қақпадан жоғары кетіп қалмауы үшін, туралауға тырыстым. Ол ұшып келген бойда, сол бағытқа тебуге барымды салдым. Қорғаушылар маған әрдайым солай түсіндіретін. Мұның барлығы автоматты түрде болды, қақпаға түскенін көргенде... Мен өте бақытты болдым".
