"Сұлуын-ай": Нұрболат Абдуллин алғаш рет жұбайын көрсетті
Танымал әнші Нұрболат Абдуллин желіде алғаш рет жұбайының суретін жариялады. Ол өмірлік серігін туған күнімен құттықтаған, деп жазады Stan.kz ақпарат агенттігі.
Желіде отбасы туралы айтып, суреттерін жариялай бермейтін жұлдыздардың қатарында әнші Нұрболат Абдуллин де бар. Алайда ол бүгін ұстанымынан тайып, жұбайының суретін жариялауды жөн көрген.Өнер иесі өзіне екі қыз сыйлаған жұбайы Фариданы туған күнімен құттықтап, бірге түскен суретін жариялады.
«Анамдай адал болсаң, әкеңдей еркелетем. Туған күніңмен!» - деп жазды әнші.
Өз кезегінде желі қолданушылары мен әшінің өнердегі әріптестері Фариданы туған күнімен құттықтап, ақжарма тілектерін жаудырды. Сондай-ақ, пікір қалдырушылар әншінің жұбайының сұлулығын назардан тыс қалдырмай, тамсанып жатыр.
«Келіншегіңіз сұлу екен. Көз тимесін», «Әйелі сондай әдемі екен», «Сұлуын-ай», «Жарасымды жұп. Алла тіл-көзден сақтасын», - деп жазды желі қолданушылары.
