ҒАЛЫМДАР ЖЕМІС ШЫРЫНЫНЫҢ БАЛАЛАРДЫ АУЫР ДЕРТКЕ ШАЛДЫҚТЫРАТЫНЫН АНЫҚТАДЫ
Гарвард университетінің мамандарының мәліметі бойынша, құрамында қанты көп жеміс шырынын үнемі ішетін балалар арасында демікпе дертіне шалдығу қатері жоғары, деп хабарлайды Daily Mail басылымына сілтеп Stan.kz.
Мамандар жеміс шырынының зиянын анықтау үшін, мыңнан астам ананың тамақ үлесі мен балаларының ауру тарихы туралы мәліметтерді тексерген. Зерттеу барысында қол жеткізген мәліметке сүйенген дәрігерлердің тұжырымы бойынша, фруктозаны көп тұтынатын балалардың демікпе дертіне шалдығу қаупі 77%-ға артады.
«Әзірге қант пен фруктозаның неліктен демікпе дертіне алып келетінін білмейміз. Біздің болжамымыз бойынша, аталған екі қосылыс салдарынан ағзада қабыну пайда болып, өкпенің дамуына әсер етеді», – дейді америкалық ғалымдар.
Сонымен қатар ғалымдар демікпе дертінің семіздікпен байланысы бар екенін анықтады.