ҒАЛЫМДАР НЕГЕ ТАҢҒЫ АСҚА ҚУЫРЫЛҒАН ЖҰМЫРТҚА ЖЕУГЕ БОЛМАЙТЫНЫН АЙТТЫ
Көпшілік қуырылған жұмыртқада адам ағзасына қажетті ақуыз бар деп пайымдайды. Бірақ шетелдік диетологтар таңғы асқа қуырылған жұмыртқаны пайдалануды шектеу керек деп отыр. Бұл туралы segodnya.ua порталы жазды.Стокгольмдағы Каролин институтының ғалымдары қуырылған еттің де зиян екенін айтады. Оны аз мөлшерде күнделікті қолдану ұйқы безі обырына шалдығуға әкеліп соғады екен.
«Күнделікті 50 грамм қуырылған етті қолдану ұйқы безі обырының даму қаупін 19 пайызға арттырады. Ал осындай тағамның 100 грамы обыр ауруына шалдығу қаупін 40 пайызға арттырады», - дейді дәрігерлер.
Сонымен қатар, Гарвард медицина орталығының зерттеушілері қуырылған беконды тұрақты тұтыну мен адамдардағы инсульт қаупі арасындағы байланысты зерттеді.
Сонымен қатар ғалымдар америкалықтардың тамақ рациондарын зерттеген. Америкалықтар қуырылған ет пен беконды өте көп мөлшерде пайдаланатыны анықталды.
Сарапшылар күнделікті 360 грамм қуырылған ет (бекон) жегенде ерлердің инсультке шалдығуы 28%-ға, ал әйелдерде 19 пайызға артатынын айтты.
Дәрігерлер таңғы асқа бекон, шұжық пен қуырылған жұмыртқа жейтін адамдарға оның орнына суға піскен жұмыртқа немесе тауықтың төс етін пайдануға кеңес береді.
