ҚАРМАҚШЫ ЖОЛДАРЫ ЖӨНДЕУДЕН ӨТТІ
Биыл Қармақшыдағы аудандық маңызы бар жолдарды күтіп ұстауға бюджеттен қаржы бөлінді.«Қармақшы жолдары» ЖШС-мен жол жөндеу жұмыстары атқарылып, пайдалануға берілді және 5,6 млн. теңге қаржысы жолдарды қыс мезгілінде күтіп-ұстауға жоспарланды.
Сонымен қатар, 7 елді мекенге Көмекбаев, Қуаңдария, Алдашбай ахун, Тұрмағамбет, Ақжар, Ақтөбе, Иіркөлге барлығы 6,5 шақырым көшелеріне ағымдағы жөндеу жұмыстарын жүргізуге аудандық бюджеттен қаржы қаралды.
Жосалы кентінің автомобиль жолдарына ағымдағы жөндеу жұмыстарын «Қазалы Жолшы» ЖСШ-і атқарды.
Бүгінде көлемі 3,3 шақырым автожолға ағымдағы жөндеу жұмыстары жүргізілді. Жұмыс толық аяқталды.
