Қазақстандықтар неліктен шаштарын тақырлап алып жатыр?
Қытайда эпидемия кезінде медицина қызметкерлері гигиена сақтау жеңілірек болуы үшін шашын тақырлап алған болатын. Қазақстанда бұл әдіске қызығушылық танытушылар күн сайын көбейіп келеді. Сұлулық салондары жабық. Олардың қашан ашылатыны белгісіз. Сондықтан тұрғындар шашын өз үйінде ала бастады.
Елде 16 наурызда төтенше жағдай жарияланып, 19 наурызда Алматы мен астана карантинге жабылған болатын. Кейін өзге өңірлер мен қалалар да бірінен соң бірі жабыла бастады.
Алғашқылардың бірі болып шашты тақырлап алу челленджіне Eurasian Resources Group-тың корпоративтік коммуникациялар жөніндегі директоры Фатима Қосаева қатысты. Оның шашын күйеуі алған. Сурет желіде 27 наурыз күні жарияланды.
