СЫБАЙЛАС ЖЕМҚОРЛЫҚҚА ҚАРСЫ КҮРЕС МӘСЕЛЕСІ ТАЛҚЫЛАНДЫ
Қазалы ауданында сыбайлас жемқорлыққа қарсы күрес мәселелері жөніндегі аудандық комиссияның кезекті отырысы өтті.
Аудан әкімінің орынбасары Әлімжан Жарылқағанов төрағалық еткен комиссия отырысында сыбайлас жемқорлыққа қарсы қабылданған бағдарламалар мен іс-шаралардың орындалу барысы талқыланды.
Ал 2018 жылға арналған жұмыс жоспарымен аудан әкімі аппаратының мемлекеттік құқықтық жұмыстар бөлімінің бас инспекторы Мұратбек Нағашыбаев таныстырды.
Күн тәртібіндегі мәселелер бойынша аудан әкімінің орынбасары қала, кент, ауылдық округ әкімдері мен дербес бөлім басшыларына сыбайлас жемқорлықтың алдын алу бағытындағы жұмыстарын күшейтуді, сыбайлас жемқорлықпен күрес жұмыстарын кеңінен насихаттауды одан әрі жалғастыруды, мемлекеттік қызметтерді көрсету барысында қызметкерлердің қызметтік жағдайын жеке мүддесі үшін пайдалануына жол бермеуді тапсырды.
