ВЕТЕРИНАРИЯЛЫҚ БАҚЫЛАУ
Бүгінде облыста ветеринария саласында қарқынды даму байқалады. Еліміздің Дүниежүзілік сауда ұйымына кіруіне байланысты осы салаға жататын тауарлар қозғалысы қатаң бақылауға алынған.Бұл жайында өңірлік коммуникациялар қызметінде облыстық ветеринариялық бақылау басқармасының басшысы Ерсұлтан Әпетов мәлімдеді.
Осы салаға қатысты мемлекеттік қызметтің 10 түрі бар. Қазіргі күні халыққа мемлекеттік органдармен көрсетілетін осындай қызметтердің сапасына үлкен мән берілуде. Ол үшін министрліктер тарапынан бұйрықтар беріліп, стандарттар мен регламенттер бекітілген. Басқармада бұл бойынша қалалық және аудандық ветеринария бөлімдерінен апта сайын мәліметтер жинақталып отырады. Сондай-ақ, қызмет көрсету барысында заң бұзушылықтарға жол берілмеуі жөнінде ескертпе хаттар жолданды. Алдағы уақытта осы жұмыстар жалғасын таба бермек.
Ақтолқын СЕЙІТЖАППАР.
