ХАЛЫҚҚА ЭЛЕКТРОНДЫ ҚЫЗМЕТ ТҮРЛЕРІ НАСИХАТТАЛДЫ
«Азаматтарға арналған үкімет» мемлекеттік корпорациясы КЕ АҚ Қызылорда облысы бойынша филиалы – «Халыққа қызмет көрсету орталығы» департаменті қазіргі таңда халыққа 723 мемлекеттік қызмет көрсетіп келеді. Мемлекеттік қызмет түрлерін халық арасында насихаттау қазіргі күннің өзекті маселесіне айналып отыр.«Цифрлық Қазақстан» бағдарламасын іске асырудың негізгі бағыттарының бірі – электрондық және мобильдік үкімет жүйесін жетілдіру.
Мемлекеттік қызмет көрсетудің аясы күн санап көбейіп келеді. Осы мақсатта Халыққа қызмет көрсету орталығы басшысы мен қызметкерлері бүгін халыққа электронды қызметті насихаттауда акция ұйымдастырды.
Біз мемлекеттік қызметтердің одан да қолжетімді болуын қалаймыз. Енді қызметтер мен сервистерді SMS-хабарламалар арқылы ұялы телефондардың ең қарапайым модельдерінен де алуға болады.
Бүгінгі күні кез-келген адам әртүрлі мемлекеттік қызметтерді интернет арқылы үйінен немесе кеңсесінен шықпай-ақ 20 минут ішінде алуына болады. Интернетке кіре алмайтын азаматтар үшін ХҚКО арқылы кеңес алу, веб-портал арқылы жұмыс жасауды үйрету мүмкіндіктері қарастырылған.
