АКЦИЯ ЖЕҢІМПАЗДАРЫ АНЫҚТАЛДЫ
Облыс әкімдігі биылғы жылдың 11 қыркүйегі мен 1 қазан аралығында «Барлығына бірдей, әркімге қол жетімді» акциясын ұйымдастырды.
Оның мақсаты – электрондық үкімет порталы арқылы көрсетілетін мемлекеттік қызметтердің үлесін арттыру және облыс тұрғындарын ынталандыруға бағытталған.
Акцияға барлығы 7723 тұрғын электронды мемлекеттік қызмет алуға өтініш берген. Акция қорытындысы бойынша 64 ұялы телефон және ақпарат тасығыш (флешка), 30 картридер, 22 смартфон телефоны, 9 планшет және 5 ноутбук, 1 теледидардың иелері анықталып, жеңімпаздарға табысталды.
