ҚОРҒАНЫС БӨГЕТТЕРІНЕ БАҚЫЛАУ ЖҮРГІЗІЛДІ
Қызылорда қаласы Төтенше жағдайлар басқармасының мамандарымен Сырдария өзеніне ең жақын орналасқан Бірқазан елді мекені мен КОПЭС саяжайында өзен арнасының жай күйіне, ондағы қорғаныс бөгеттерін нығайту жұмыстарына бақылау жүргізілді.
Қорғаныс бөгеттерінің «КОПЭС» саяжайынан Батыс Қытай-Батыс Европа тас жолының Тасбөгет кенті тұсындағы жаңа көпірге дейінгі жоғарғы бөлігі толығымен қалпына келтірілген және бөгеттерді нығайту жұмыстары көпірдің төменгі жағында 3,5 шақырымға дейін қосымша бөгет салу жұмыстарының жүргізіп жатқаны анықталды.
Бірқазан елді мекенінің тұсындағы қорғаныс бөгетінің 350 метр қауіпті аймағы қалпына келтіріліп нығайтылған. Бұл шаралар Қызылорда қаласы әкімдігіне қарасты «Қызылордасушаруашылығы» мемлекеттік коммуналдық өндірістік мекемесі тарапынан жүзеге асырылуда.
Қала халқының қауіпсіздігін қамтамасыз ету, жағалауға жақын орналасқан халықты құлақтандыру, су басу қаупі туындаған жағдайда алғашқы атқарылатын іс-шараларды үрету мақсатындағы алдын алу шаралары басқарма тарапынан қауіпті кезең аяқталғанша жалғасын табатын болады.
