Cерік Ибрагимов әнші ағаларын әшкереледі
Отандық танымал әнші Серік Ибрагимов "Қызық пнемия" марапаттау рәсімі кезінде бірқатар өнер жұлдыздарын ұятқа қалдырды. Ол өзімен бір сахнада жүрген әнші ағаларының ішінен қайсы плагиатқа көп жүгінетінін елдің көзінше жайып салды. Эстрада өкілінің әріптестерін әшкерелеген сәті өте күлкілі әрі қызықты болғаны сонша, тіпті кеш жүргізушілері де күлкісін тыя алмаған деп жазады KAZ.NUR.KZ.Серік Ибрагимовтың қатысуымен болған ерекше сәтті белгілі отандық әзілкеш Еркебұлан Мырзабек желіде жариялаған. Ол әріптес ағаларын әшкерелеген әншінің бейнежазбасымен Instagram парақшасында бөліскен.
Аталмыш видеода өнер иесінің "Жыл плагиаты" жүлдесін табыстауға шыққанын көруге болады. Дәл осы номинацияны 2018 жылы жеңіп кеткен Ибрагимов бұл жолы өзінің сүйікті марапатын өзге әншіге беруге қимайтынын жасырмады.
Әртіс ел күтпеген бұл мәлімдемесімен тоқтап қалмай, отандық шоу-бизнесте плагиатшыл әншілер өте көп екенін жайып салды. Ол тіпті, өзгенің әнін ұрлауды енді ғана бастап, плагиатшылар қатарына жаңадан кірген өнер жұлдыздарын атады.
Ибрагимовтың сөзінше, енді бұл салаға Абай Бегей, Асхат Тарғын, Жігер Ауыпбаев, "Диета KZ", Мұхтар Ханзада және т.б әншілер қосылған.
Айта кетейік, бұған дейін Серік Ибрагимов бастаған бірқатар өнер жұлдыздары атышулы "Қалаулымды" жабуды талап еткен болатын.
