Тұрсынбек Қабатов мұқтаж 200 адамға ауызашар берді (видео)
Әзілкеш, актер, "Әзіл әлемі" театрының директоры Тұрсынбек Қабатов 200 мұқтаж адамға ауызашар берді.
Бұл туралы Қабатовтың жары Мөлдір Мұқанова желідегі парақшасында жазды.
"Тұрсынбек мұқтаж 200 адаға ауызашар жіберді. Тұрсынбек мырзаға, мейрамхана атынан алғысымызды айтамыз. Алла разылығына бөлей берсін. Бастаған әр ісіңізге береке тілейміз. Есеп бере кетейін, Тұрсынбек мырза 200 адамға ауызашар жіберді", деп жазды Мөлдір Мұқанова.
Ауызашар тағамдарын бірнеше қыз-жігіт мұқтаж отбасыларға үйіне дейін көлікпен жеткізіп берді.
"Тағамдарды жеткізіп берген қыз-жігіттерге де Алла разы болсын", - деді Тұрсынбектің жары.
Желі қолданушылары алғысын айтты. Жақсылықты жария етпеңіздер деп ескерту айтқандары да бар.
"Жағдайы төмен кісілерге берсеңіздерші, қалада жағдайы бар сіздің берген садағаңызға мұқтаж емес қой беріп жатқандарыңыз, қаланың шетінде времянка жалдап тұратын кісілерге берсеңіздерші", "Алла разы болсын! Мұқтаж жандар тізімін қайдан аласыздар?", Алла істеріңізді оңғарсын! Берекелі тірлік болсын!", "Жақсылықты не үшін жария етесіз, есеп беруге міндетті емессіз", - деп жазды олар.
