ТӘУЕКЕЛ МҮСІЛІМ СҮЙІКТІСІН ТАНЫСТЫРДЫ
Өнер әлемінде өзінің сымбатымен талай аруды ғашық еткен Тәуекел Мүсілім кездесіп жүрген сұлуы жайлы мәлімдеме жасады. Актер өзінен 11 жас кіші бойжеткенмен көңіл жарастырған деп хабарлайды "Ел аузында" бағдарламасына сілтеме жасаған NUR.KZ.Актер сүйіктісінің әлі де жоғары оқу орнында оқитынын айтып, үйленуді бір-екі жыл көлеміне жоспарлағанын алға тартты.
"Қазір кездесіп жүрген қызым бар. Үйлену жағы белгісіз. Әлі оқу оқиды. Ол 18 жаста. Менен 11 жас кіші.
Бірақ 18 жастағы қыз деп айтпайсың. Өмірге деген көзқарасы тұрақталған.
Көбінесе ер-азаматтар анасына ұқсайтын қыз іздейді ғой. Мен оны алғаш көргенде әпкемді көргендей болдым. Маған мінезімен ұнады", - деп ағынан жарылды Тәуекел Мүсілім.
