Кіші ТТТ: Төреғали ұлының есімін өзіне ұқсатып қойды
Төреғали Төреәлінің ұлды болуы әншінің барша тыңдармандары үшін күтпеген жаңалық болды. Себебі былтырғы жылдың сәуір айында оның келіншегі үшінші қызын босанған еді. Арада бір жыл өтпестен Толқын сүйікті жарына төртінші перзентін сыйлап отыр, деп жазады Stan.kz.Әрі жақында ғана Төреғали мен Толқынның Қайрат Нұртастың 30 жас туған күнінде бой көрсеткені белгілі. Аталған кештен ТТТ-ның өзі келіншегімен түскен суретін жариялаған болатын. Фотода Толқынның аяғы ауыр екені білінбейді.
Сонымен Төреғали төртінші мәрте әке атанды. Әулетке көптен күткен ұл бала дүниеге келді. Журналист Анна Данченконың айтуынша, Төреғали ұлын ТөреНұр деп атаған.
