Роза Рымбаева жолдасының бар кезінде қалай өмір сүргенін айтты
Халық әртісі Роза Рымбаева Аман Тасыған жүргізетін «Талқылайық» бағдарламасына сұхбат беріп, жеке өмірі, оның ішінде марқұм жары Тасқын Оқаповпен бірге өткізген күндері туралы сыр бөліскен.«Бала-шағамды қалай асыраймын, болашағым не болады деген сұрақтарды өзіме Тасқын кеткеннен кейін, қоя бастадым. Тасқынның өзі қалжыңдап: «Халық әртісінің күйеуі болу - оңай жұмыс емес»-депм айтатын. Ол кезде еркелік те, жастық та болды. Көп дүниені түсіне бермей, тек қана «Бәрі менікі болу керек. Себебі, мен жұлдызбын» деген еркелік те болды. Оның үстіне, менің жан жарым Тасқын мені бірінші күннен бастап, алақанына ұстап, төбесіне көтерді.Екеуміз сондай өмір сүрдік. Сондықтан мен өмірімді Тасқынға дейін, Тасқыннан кейін деген екі кезеңге бөлемін. Екіншісі ауырлау. Басқа адамға айналып кеттім. Басқа адам, басқа ана. Еркелеп жүрген бұрынғы Роза Рымбаева емес.Сол өмірмен келе жатқаныма 20 жылдың жүзі болды. Еркелейтін жеке басымда жақын адамым жоқ», - деген әнші.
