Айқын Төлепберген: «Бізде небір бомба қыздар бар»
Айқын қазақ сахнасында жалаңаштана ән айтып жүрген әріптестеріне ешқандай сын айтпайтынын жеткізді. Өнер адамдарына бәрі жарасады деген пікір айтты.Айқынның айтуынша, жалаңаштану ұятты іс емес, керісінше әртістерге тән қасиет. Ол үшін жалаңаш жұлдыздарды сөгудің қажеті жоқ, деп хабарлайды Stan.kz ақпарат агенттігі Shownews.kz арнасына сілтеме жасап.
"Мәселен, Ресейдің әншісі не шетелдің әншісі жалаңаштанып ән салып тұрса, ешкім таңғалмайды. Керісінше әдемі деп баға береді. Бізде де небір бомба қыздар бар. Олар сахнаға шықса, бәрі таңғалып, ұят емес пе дейді. Менталитетке тән емес шығар, бірақ олар әртістер ғой", - деді Айқын.
Алайда Айқын жары Жұлдызға ашық-шашық киім кигізбейтінін айтты. Мұнысын былай деп түсіндірді.
"Себебі Жұлдыздың тыңдарманы жалаңаш образды қабылдай алмайды. Оның тыңдарманы басқа, менің тыңдарманым басқа", - деді әнші.
Бұған дейін Мақпал Жүнісова жалаңаштанған әншілердің сынға алған болатын. Тіпті заң шығарып, ондайларды сахнадан қуу керек деген пікір айтты.
