ҒАЛЫМДАР: ОТБАСЫН ҚҰРҒАНДАР ӨМІРДЕН КӨБІРЕК ЛӘЗЗАТ АЛАДЫ
Ғалымдар тұрмыс құрған адамдардың өмірге қанағаты күштірек екенін дәлелдеді. Бұл туралы korrespondent.net сайтына сілтеме жасаған NUR.KZ хабарлайды.
Тұрмыстағы немесе екінші жартысымен бірге тұратын жандар жалғыз жүргендерге қарағанда бақыттырақ өмір кешеді. Канадалық ғалымдар Ұлыбритания тұрғындарының моральдық-психикалық жай-күйін зерттей келе осындай қорытындыға келді.
Олар жалғыз өмір кешіп жатқан 350 мың адам мен отбасылы 30 мың жұптың өмірге деген көзқарасын салыстырған. Нәтижесінде серігі бар британдықтар жағдайына көбірек қанағаттанатыны анықталды.
Қазіргі уақытта көп жұптардың үйлене сала айырылысатынына қарамастан, олардың басым бөлігі «отбасымен бақытты» саналады. Ал тұрмыста жақсы өмір кешудің негізгі кілті – өміріне қанағат ету екен.
