ҒАЛЫМДАР ЛАС АУАНЫҢ СӘБИ САЛМАҒЫНА ҚАЛАЙ ӘСЕР ЕТЕТІНІН АНЫҚТАДЫ
Ауаның ластануы адамның денсаулығына ол жатырда жатқан кезде-ақ кері әсер етеді. Ол оның ағзасының дұрыс дамуына кедергі келтіріп, тіпті баланың салмағын да төмендетеді. Мұндай қорытындыны Үндістанның Ченнаи қаласындағы Шри Рамачандра университетінің мамандары жасады. Бұл туралы Times of India газеті жазды, деп хабарлайды Вaq.kz ақпарат агенттігі ria.ru басылымына сілтеме жасап.
Зерттеуге Ченнаи және жақын маңдағы екі елді мекеннің 1200 жүкті әйелі қатысты.
Басылымның жазуына қарағанда ғалымдар бірнеше рет тест жасаған. Лас ауада диаметрі 2,5 мкм болатын әрбір 10 микрограмм ауа болашақ баланың салмағын 4 грамға азайтып отырады. Мамандар салмағы аз болып туылған нәрестеде жүрек ауруы, жоғары қан қысымы және диабеттің қаупі жоғары болады деп ескертті.
Зерттеу авторлары қаладағы ауаны көліктер, ал ауылдық жерде көмір, сүрек жағып ластайтынын жеткізді.
Үндістанның денсаулық сақтау министрлігінің деректеріне сәйкес, елде әрбір алтыншы сәби салмағы 2,5 килограмға дейін аз болып туады.
