ҒАЛЫМДАР ІРІМШІКТІҢ ЖҮРЕК АУРУЛАРЫНЫҢ АЛДЫН АЛАТЫНЫН ДӘЛЕЛДЕДІ
Қытайдағы Сучжоу университетінің ғалымдары күнделікті ірімшікпен ауқаттану арқылы жүрек-қан тамырлары ауруларының алдын алуға болатыны жөнінде айтты.Жүргізілген зерттеу барысында ғалымдар «франциялық парадоксты» түсіндіруге тырысқан. Құрамы холестеринге бай әрі майлы тағамдарды жиі тұтынатын франциялықтар жүрек-қан тамырлары ауруларына сирек шалдығады екен. Алайда ірімшік құрамында жүректің жұмысына кері әсерін тигізетін майлы қышқылдар көп мөлшерде кездеседі екен.
Ғалымдар түрлі аурулар кезінде тағайындалатын емдәмдер туралы 15 ғылыми жұмысқа сараптама жасапты. Нәтижесінде күн сайын 40 грамм мөлшерде ірімшік жеу арқылы жүрек-қан тамырлары ауруларының пайда болуын 14 пайызға, ал жүрек талмасының болуын 10 пайызға дейін төмендетуге болатынын аңғарған.
Мамандардың сөзінше, ірімшік ағзадағы «жақсы» холестериннің мөлшерін арттырып, «зиянды» холестеринді азайтады екен. Сонымен қатар, ірімшік құрамында артерияны ластанудан қорғайтын заттар да кездеседі.
Холестерин – қанда әртүрлі липопротеин түрінде кездестетін майлы спирт. Тығыздығы төмен липротеиндер ұсақ тамырларды бітеп, жүрек-қантамырлар жүйесінде ақау тудыруы мүмкін. Осының салдарынан адамдардың көпшілігінде жүрек-қан тамырлары ауруы пайда болады екен.
