Ақмешіт апталығы

Өңірімізде мүмкіндігі шектеулі балалардың шығармашылығын шыңдау бағытында облыстық «Жүрек жылуы» өнер фестивалі өтті. Шараға облыс әкімінің орынбасары Наурызбай Байқадамов қатысты.

Биыл тоғызыншы рет ұйымдастырылған байқауға қолөнер, көркемсурет, ән, би, халықтық орындау жанрлары бойынша 150-ден астам балғын бақ сынады.

Топ ішінен дара шапқан 10 өнерпазға 500 мың теңге сыйақы табысталды. Сонымен бірге фестивалдің демеушілері «Абзал и К» компаниясы мен «Скиф трейд» SMALL сауда орталығының арнайы номинациясымен марапатталды. Десе де, бақ сынаған әрбір қатысушы – жеңімпаз. Өйткені, түрлі қиындықтарға қарамастан, көпшілік алдына шығып, ән шырқау, мың бұрала би билеп тұла бойыңдағы бар өнерді көрсете білу – кез келгеннің қолынан келе бермейтін іс.