ОБЛЫСТЫҚ ӨНЕР ФЕСТИВАЛІ ӨТТІ
Балалар өнерін қолдау мақсатында облыстық халық шығармашылығын дамыту және мәдени-продюсерлік орталығы Асқар Тоқмағамбетов атындағы қалалық мәдениет Үйінде «Жүрек жылуы» атты мүмкіндігі шектеулі балалардың ҮІІ облыстық өнер фестивалін ұйымдастырды.Фестивальге барлық аудандардан және қалалық мектеп-интернаттардан ән, би, халықтық орындау, көркемсөз оқу, көркемсурет және қолөнер жанрлары бойынша 7-21 жас аралығында 200 ден астам мүмкіндігі шектеулі өнерпаз балалар қатысып бақ сынады.
Фестивальдің негізгі мақсаты – облыстағы мүмкіндігі шектеулі балалар арасында өнердің түрлі жанрындағы шығармашылық қабілеттерін анықтау, олардың халық арасында кеңінен насихаттап, көмек қолын ұсыну, қолдау көрсету.
