"Egemen Qazaqstan" жас журналистерді марапаттады
«Egemen Qazaqstan» газетінің 100 жылдық мерейтойына орай өтіп жатқан салтанатты шарада облыстық "Ақмешіт жастары" газетінің тілшісі, жас журналист Ерасыл Шәрібек марапатталды. Ол газеттің жас тілшілер арасында өткен "Үміт" конкурсының жүлделі ІІ орнын қанжығаға байлады. Айта кетейік, бүгін Нұр-Сұлтан қаласында «Egemen Qazaqstan» газетінің 100 жылдық мерейтойына орай салтанатты шара өтіп жатыр. Еліміздің жетекші басылымының мерейтойына облысымыздан "Сыр медиа" ЖШС директоры Аманжол Оңғарбаев, ардагер журналист Еркін Әбіл, «Egemen Qazaqstan» газетінің меншікті тілшісі Мұрат Жетпісбаев қатысуда.
