Аралда құтқарушылар жолда қалып қойған азаматтарға көмек көрсетті
2019 жылғы 21 қараша күні 02 сағат 10 минутта Арал ауданы №3 мамандандырылған өрт сөндіру бөлімінің байланыс бекетіне жолаушылардың жолда қалып қойғаны жөнінде хабар түсті.
Оқиға орнына жедел жеткен Қамыстыбас елді мекенінің құтқарушылары "Самара-Шымкент" автожолының 1417 шақырымында Атырау қаласынан Түркістан қаласына бағыт алған "Мерседес-Бенц" маркалы жеңіл автокөлігінің қозғалтқыш бөлігі бұзылып, жолда қалып қойғанын анықтады.
«Құтқарушылар күшімен 2 жолаушы Қамыстыбас елді мекеніндегі құтқару бөлімшесіне жеткізілді. Қазіргі таңда денсаулықтары жақсы, медициналық көмек қажет етпегендіктен ақаулы автокөлікті Қызылорда қаласынан шақыртылған эвакуатормен үйлеріне қайтарылды», - деп мәлім етті Қызылорда облысы ТЖД Өрт сөндіру және авариялық құтқару қызметі.
