«Мал ұрысы» жедел-профилактикалық шарасы аясында 14 мал ұрлығы қылмысын ашты
Қызылорда облысының Полиция департаменті мен қалалық Полиция басқармасының қызметкерлері ветеринария басқармасының өкілдерімен бірлесіп, мал ұрлықтарының алдын алу, жолын кесу және ашу бағытында «Мал ұрысы» жедел-профилактикалық іс-шарасын өткізді. Шара аясында малдарды құжатсыз әкелу, мал союға және ет сатуға арналған сертификаттың жоқтығын анықтау бағытында жұмыстар жүргізілді.
Осыған орай, барлық сауда орталықтары және басқа да ет павильондары мен мал сою бекеттері тексерілді.
Іс-шара аясында облыс бойынша 14 мал ұрлығы ашылды.
Бүгінгі таңда облыс және қала аумағында барлық мал сою мен ет бөлуге арналған жерлерде бейнебақылау камералары орнатылды. Мал ұрлықтарының алдын алу үшін құжатсыз мал басын тасымалдайтын 245 көлік құралдары тексерілді. Олардың ішінде 38-і мал тасымалдаумен айналысқан. Ауыл шаруашылығы жануарларын құжатсыз тасымалдаған 4 тұлғаға қатысты ҚР ӘҚБтК 406-бабы бойынша әкімшілік шаралар көрілді.
Бұл бағыттағы жұмыстар жалғасын табады.
Қызылорда облысы Полиция департаментінің баспасөз қызметі
