Қала тұрғынының жоғалған ұялы телефонын бірнеше сағат ішінде тауып берді
Желтоқсан айының басында кезекші бөлімге облыс орталығы тұрғынынан қызының ұялы телефоны жоғалғаны туралы хабарлама келіп түсті.Хабарлама бойынша Полиция басқармасының операторы кіші сержант Смагулов Жасұлан және № 3 учаскелік полиция инспекторы аға лейтенант Абенов Ержан бірден жедел іздестіру іс-шарасына кірісті. Іздестіру шаралары барысында сол күні таңертең ол қыздың такси көлігіне отырғандығы анықталды. Кейіннен жұмыстарын бітірген бойжеткен ұялы телефоны жоғалғанын байқайды.
Жедел-іздестіру іс-шаралары барысында полиция қызметкерлері такси жүргізушісінің жеке басын анықтап, онымен байланысып, бірнеше сағат ішінде такси ішінде жоғалған қымбат ұялы телефонды иесіне қайтарды.
Полицияға арызданған қыздың анасы «Instagram» әлеуметтік желісі арқылы полицейлерге кәсібилігі мен жеделдігі үшін алғысын білдірді.
Өз кезегінде полиция қызметкерлері облыс тұрғындарына өз мүліктеріне сақ болуды ескертеді.
Қызылорда қалалық Полиция басқармасының баспасөз қызметі
