Синоптиктер үш өңірде ескерту жариялады
«Қазгидромет» РМК ауа райының қолайсыздығына байланысты үш өңірде ескерту жариялады, деп хабарлайды ҚазАқпарат.Атап айтқанда, 9 қаңтар күні Қостанай облысының кей жерлерін тұман басуы ықтимал. Қызылорда облысының жекелеген аумақтарында тұман мен көктайғақ сақталады. Қалың тұман Ақмола облысының кей жерлерінде де сақталатыны болжанады.
