Абайдың тойы той тойлау емес...
Ел Президенті Қасым-Жомарт Тоқаевтың «Егемен Қазақстан» газетінде жарияланған «Абай және ХХІ ғасырдағы Қазақстан» атты мақаласы кім-кімді де бей-жай қалдыра алмады. Шынында мерейтой десе, науқанмен бір сәтте өте шығатын той тойлау деп қабылдайтын қасаң түсініктен арыла алмай жүргенімізді жасыра алмаймыз. Қоғамдағы осы түйткілді дөп басқан Президент мақаласында Абайдың мерейтойы той тойлауға емес, ой ойлауға бағытталатынын, ұлы ақын шығармалары қай кезеңде де өзектілігін жоғалтпайтыны атап айтылады.Ұлы ақынның мерейтой жылында газет бетінен Абайды насихаттауға арналған «Еңбек етсең ерінбей...» атты жаңа айдар аштық. Бұл арқылы барша оқырманды Абайды оқуға, Абайдан үйренуге, Абай аманатын орындауға насихаттаймыз. Абайды насихаттауға, Абай шығармаларынан тағылым алуға үлес қосыңыз, қадірлі оқырман.
