Қазақты танығың келсе, Абайды таны!
Мемлекет басшысы Қасым-Жомарт Тоқаев «Абай және ХХІ ғасырдағы Қазақстан» атты мақаласында Абай мерейтойын күллі әлемге рухани азық сыйлайтын деңгейде өткізу қажеттігін атап айтты.Қазақтың ұлы ақыны Абай Құнанбаевтың 175 жылдық мерейтойы өткен жылы әлеуметтік желілерде ақын шығармаларын оқудан челлендж ұйымдастырудан басталды. Бұл шараға белсенділік танытқандар аз болмады. Тек әдебиет, мәдениет саласының мамандары емес, мемлекет басшысынан бастап барша тұрғынның атсалысуы, бұл шараның бүкілхалықтық сипат алғаны күллі қазақтың ұлы ақынға деген құрметі ерекше екенін байқатты. Бұл шарадан мен де тыс қалмай, Абайдың қара сөзін оқыдым.
Абай шығармалары қай дәуірде болмасын, өзектілігімен және адами қасиеттерге, ізгілікке үндейтінімен ерекшеленеді. Ақынның «Өлді деуге бола ма, айтыңдаршы, Өлмейтұғын артында сөз қалдырған» деген өлең жолдары өзіне арналғандай. Себебі, Абай сөзі – мәңгілік.
Абай Құнанбавтың мерейтойын өткізуге рухани орда – Қызылорда қаласында да үлкен дайындық жасалуда. Бүгінде іс-шаралар жоспары бекітілді. Сырдың бас қаласы ұлы ақынның мерейтойын мазмұнды өткізуге айтарлықтай үлес қосады.
Мира Қазбекова,
Қызылорда қаласы әкімінің орынбасары.
