Румыния елінің Констанца қаласында қолкүрестен ересектер арасында әлем чемпионаты өтіп 75 келі салмақ дәрежесінде қос қазақ Талғат Ақтаев пен Мағжан Шамиев финалға шықты. Қызығы сол құрыш білекті Мағжан алдымен грузиялық Иракли Зиракашвилиді ұтты. Одан кейін болгариялық Валентин Господинов, американдық Джереми Фралей, молдавалық Олег Тудорянды тізе бүктірді. Жартылай финалда ресейлік Ортан Скияевті қапыда сан соқтырды. Ал Талғат Ақтаев болса белоруссиялық Иван Виарениш, ресейлік Казимир Искандаров, италиялық Паласидо Джиоко, түркиялық Емрах Оксу, ресейлік Ортан Скияевті ұтып, финалға жолдама алды. Сөйтіп қос батыр ақтық сыңға шықты. Әрине өзгелердей емес өзіміздің ұлттық мінезге, қайсар рухқа сай екеуі иық тірескен жоқ. Кішісі үлкенге құрмет көрсетіп, бауырмал қазақтың дәстүрін қайта жаңғыртты. Осылай Талғат жасы үлкен ағасы Мағжанға жол берді. Мұны көрген көпшілік қазақтың бауырмалдығын байқады. Рухы мықтылығына риясыз сенді. Мәселе алтында емес, ақылда!
Румыния елінің Констанца қаласында қолкүрестен ересектер арасында әлем чемпионаты өтіп 75 келі салмақ дәрежесінде қос қазақ Талғат Ақтаев пен Мағжан Шамиев финалға шықты. Қызығы сол құрыш білекті Мағжан алдымен грузиялық Иракли Зиракашвилиді ұтты. Одан кейін болгариялық Валентин Господинов, американдық Джереми Фралей, молдавалық Олег Тудорянды тізе бүктірді. Жартылай финалда ресейлік Ортан Скияевті қапыда сан соқтырды. Ал Талғат Ақтаев болса белоруссиялық Иван Виарениш, ресейлік Казимир Искандаров, италиялық Паласидо Джиоко, түркиялық Емрах Оксу, ресейлік Ортан Скияевті ұтып, финалға жолдама алды. Сөйтіп қос батыр ақтық сыңға шықты. Әрине өзгелердей емес өзіміздің ұлттық мінезге, қайсар рухқа сай екеуі иық тірескен жоқ. Кішісі үлкенге құрмет көрсетіп, бауырмал қазақтың дәстүрін қайта жаңғыртты. Осылай Талғат жасы үлкен ағасы Мағжанға жол берді. Мұны көрген көпшілік қазақтың бауырмалдығын байқады. Рухы мықтылығына риясыз сенді. Мәселе алтында емес, ақылда!
