Бейнет пен Бедел
«Әкімдердің есеп беру форматының ескіргені, баяндамаларының жадағай цифрларға құрылатыны, шын мәнінде, халықты жалықтырды және жұртшылықтың сеніміне селкеу түсіреді деп ойлаймын.Байқасаңыздар, біздің кейбір шенеуніктерімізге жетпей жататыны – қарапайымдылық, адами қарым-қатынастар. «Әкім бол – халқыңа жақын бол» деп халық бекер айтпайды. Оларға осы сөз бойтұмар болуы тиіс.
(Президент Қасым-Жомарт Тоқаев)
2005 жылдан бері барлық деңгейдегі әкімдердің халық алдында есеп беру кездесуі халық пен билікке біраз тәжірибе болды. Осы жылдар ішінде ел көп нәрсені түсінді, билік те. Мәселен, қарапайым халық кездесуде құр айғай салғаннан, түймедейді түйедей етуден ештеңе шықпайтынын түсінді. Бұған жыл сайын атқарылып жатқан нәтижелі жұмыстар да әсер етсе керек. Ең алдымен әкімдердің елмен етене жақындай түсуі де әсерін тигізді.
Жоғарыда ел Президенті Қасым-Жомарт Тоқаевтың республикалық басылымдарға берген сұхбатында есеп беру жайында айтқанынан үзінді келтірдік.
«Әкім бол – халқыңа жақын бол» деген сөзді бойтұмар етуі тиіс әкімдер халыққа жалықтырмай қалай есеп береді? Елмен қарым-қатынасты жаңаша қалай жасайды? Бұл көп көкейіндегі сауал.
Осы аптада қалаға қарасты кенттер мен ауыл әкімдері ел алдында есеп бере бастады.
