Қызылорда облысында ауа райына байланысты ескерту жарияланды
Қызылорда мен Маңғыстау облысында ауа райына байланысты ескерту жарияланды. Бұл туралы Қазгидрометке сілтеме жасап ҚазАқпарат хабарлайды.22 қаңтарда Қызылорда облысының кей жерлерінде тұман сақталады, көктайғақ болып, бұрқасын соғуы ықтимал. Оңтүстік-батыстан жел соғады, оның күші түнде кей жерлерде, күндіз өңірдің басым бөлігінде 15-20 м/с жетеді. 22 қаңтарда Маңғыстау облысының кей жерлерінде тұман түседі, көктайғақ болуы мүмкін. Күндіз кей жерлерде батыстан, оңтүстік-батыстан жел соғады, күші 15-20 м/с жетуі ықтимал. Сол күні күндіз Ақтау қаласында батыстан жел соғады, екпіні 18 м/с жетеді.
