Жоғары сынып оқушылармен кездесу өткізді
Қызылорда облысының Полиция департаменті Кадр саясаты басқармасының инспекторы полиция аға лейтенанты Эльмира Зильгараева мен Қызылорда қаласының Полиция басқармасы Кадр саясаты бөлімшесінің бастығы полиция капитаны Мақсат Садыбековпен Қызылорда қаласындағы № 253 орта мектептің 11-сынып оқушыларымен Қазақстан Республикасы ІІМ Бәрімбек Бейсенов атындағы Қарағанды академиясына оқуға түсу шарттары туралы кәсіби бағдар беру жұмыстары аясында кездесу өткізді.Аталған кездесуде оқушылар назарына Қазақстан Республикасы ІІМ Бәрімбек Бейсенов атындағы Қарағанды академиясы «Бакалавриат» бағдарламасы негізінде «Сотқа дейінгі тергеу» және «Жедел криминалистика» мамандықтары бойынша оқуға қабылдау, сонымен қатар құжаттарды қабылдау тәртібі мен оқуға түсу кезеңдері туралы ақпараттар таныстырылды.
Кездесу барысында ішкі істер органдарында қызмет өткерудің жағымды жақтары да айтыла отырып, Қарағанды академиясы туралы бейнефильм көрсетіліп, ақпараттық буклеттер таратылды.
Оқушылар өз кезегінде, Академияға қалай оқуға түсуге болатындығын, талапкерлерге қандай талаптар мен оқу шарттары туралы сұрақтарын қойып, қызығушылықтарын танытты. Оқуға түсуге қызығушылық білдірген түлектер Қызылорда қаласы, Төле би көшесі, 112 мекен-жайында орналасқан Қызылорда қаласы Полиция басқармасының кадр саясаты бөлімшесіне және Қорқыт ата көшесі, 18 мекен-жайында орналасқан Полиция департаментінің Кадр саясаты басқармасына хабарласуларына болады. Байланыс тел. 29-75 -09, 29 -75- 26.
Қызылорда қалалық Полиция басқармасының баспасөз қызметі
