«Абайлаңыз-балалар» шарасы өтуде
Республика көлемінде өткізіліп жатқан «Абайлаңыз- балалар!» жедел-профилактикалық іс-шарасы аясында бүгін №12 І.Қабылов атындағы ІТ мектеп-лицейінде Қызылорда қаласы Полиция басқармасының ювеналды полиция бөлімшесінің аға инспекторы полиция капитаны Әлия Нұрмағанбетова және директордың тәрбие ісі жөніндегі орынбасары Мира Ибадуллаеваның ұйымдастыруымен 2 - сынып оқушыларының қатысуымен ашық сабақ өтті. Бұл сабақта қауіпсіз жаяу жүргіншілер ережелері, жол белгілерін білуі бойынша көріністер көрсетіліп, эссе жазудан және сурет салудан сайыстар ұйымдастырылды.
Іс-шараның соңында белсенді қатысқан оқушылар Қызылорда ҚПБ бастығының алғыс хаттарымен марапатталды.
Қызылорда қаласы Полиция басқармасының баспасөз қызметі
