Қызылордалықтарды қар күреуге шақырды
Қызылорда қалалық ішкі саясат бөлімі «Fasebook» парақшасы арқылы қар күреу челленджін қолдауға барша тұрғындарды шақырды.«АЛ, ҚЫЗЫЛОРДАЛЫҚ ДОСТАР! "БІЗ БІРГЕМІЗ" ҚАР КҮРЕУ ЧЕЛЛЕНДЖІН БІЗ ДЕ ҚОЛДАЙЫҚ!
Бүгін Қызылорда қаласының қысқы табиғаты ерекше! Жауған қар қызылордалықтар үшін жарқын көңіл-күй сыйлады. Қаладағы коммуналдық мекемелер осы мақсатта үздіксіз қар тазалау жұмыстарын жүргізіп жатыр.
Жолды қауіпсіз ету өз қолымызда! Сіздерді де осы жұмыстарға белсенді түрде үлес қосуға шақырамыз!
Өз ауламыз бен қоғамдық орындарды, көмекке мұқтаж жандар мен қарияларымыздың ауласын қардан тазартып #BizBirgemizKZO хештегімен әлеуметтік желілерге жариялайық!» деп жазылған парақшада.
