Қоныс той көп
Соңғы жылдары құрылысы қарқын алған қалада қоныс той да көбейді. Сандарды сөйлетсек, өткен жылы атқарылған құрылыс жұмыстарының көлемі 53 млрд 330 млн теңгеге жеткен. Облыста атқарылған құрылыс жұмыстарының 36,3 проценті Қызылорда қаласының үлесінде. Өткен жылы мемлекеттік бағдарлама аясында 1000 пәтерлік 20 көпқабатты үй, жеке инвесторлардың қаражаты есебінен 285 пәтерлік 7 көпқабатты тұрғын үй пайдалануға берілді.Мемлекеттік бағдарламалар аясында ата-анасының қамқорлығынсыз қалған 60 бала, әлеуметтік жағынан әлсіз топтар санатындағы 256 отбасы, 140 көпбалалы отбасы, мүмкіндігі шектеулі баласы бар 105 отбасы баспаналы болды.
Өткен жыл еншісіндегі ауқымды жобалардың бірі – Баламекен» жобасы аясында 100 көпбалалы отбасының баспанаға ие болуы.
