ҚАЗАЛЫДАҒЫ ӨНДІРІСТІК АЙМАҚТА 4 ЖОБА ІСКЕ ҚОСЫЛДЫ
Бүгінде Қазалы ауданындағы «Өндірістік аймақта» 4 жоба іске қосылып, 36 жаңа жұмыс орны ашылды.Бұл туралы Өңірлік коммуникациялар қызметінде өткен баспасөз конференциясында Қазалы ауданының әкімі Мұрат Ергешбаев мәлімдеді.
Бұдан бөлек, жергілікті тауар өндірушілердің тауарларын делдалсыз өткізу мақсатында «Қазалы Керуен» Біріккен Кәсіпорны» ЖШС «Қалааралық автовокзал құрылысы» жобасын іске асыруда. Бүгінде 90 пайызы дайын. Жоба инфрақұрылыммен қамтамасыз етіліп, келер жылы пайдалануға беріледі.
Баспасөз конференциясы барысында Қазалы ауданының әкімі Мұрат Нәлқожаұлы: "Мен Қазалылық әрбір азаматтың бойынан күш-жігерді байқадым, өмірге құштарлықтарын көрдім, кәсіпкерлікке деген құлшыныстарын сездім, қоғамдық жұмысқа белсенді екенін білдім. Осындай халқы бар ауданда қызмет ету мен үшін абырой. Алдағы уақытта, жағымды жаңалықтарға толы болатынына сенімдімін", - деді.
