Бүгін 4 қалада ауа сапасы нашарлайды
27 наурыз күні Қазақстанның 4 қаласында қолайсыз метеорологиялық жағдай қалыптасады, деп хабарлайды ҚазАқпарат.Қазгидрометтің мәліметінше, жұма күні ауа сапасының нашарлауы Балқаш, Қарағанды, Теміртау және Шымкент қалаларында күтіледі. Еліміздің өзге шаһарларында жағымды метеожағдай болжанады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
