Тышқан жылғы тіршілік
Ұқсамасаң тумағыр дейтін еді, дәл сол сөздің расқа айналғанын қарашы. Жұлдызға қарап жорамал жасаушылар шамалы шатасты, тышқан жылы табысты жыл болады деп болжады. Ырымшыл халықпыз ғой, ынтыға беріліп, соған сендік. Ал бүгінгі жағдай мүлдем басқаша.
Қазір тышқан тірлікке көштік. Коронавирустың кесірінен үйге қамалып отырғанымыз – тышқанның інге тығылғанымен бірдей. Қарынның қамымен дүкенге барғанымыз да тышқанның тамақ іздегенінен аумайды. Тынысы тар інге сыймай тырбаңдаған тышқанның балалары түн тылсымында ойнақтап шығады. Үйдегі жағдай да құдды сондай. Мектеп тоқтағалы бала біткен үйді көшіріп жіберудің алдында тұр. Мұғалімді кінәлағыш кісілер іштен тынып жатқан шығар. Өкпешіл өмір-ай десеңші!
Туасы жөткерініп, түшкіріп, дене қызуы көтерілген тышқанды кім көрді дейсің. Сол сергек кеміргіштің күйлі күйі адамға қазір ауадай керек. Біздің бүгінгі алаңдаулы ахуал ауыздақталып, бейғам тіршілік басталса екен...
Қ.Құрбан
