Темірдей төзім мен шыдамдылықты қатар ұстаған ардагер
Бүгін ішкі істер органдарындағы тергеу бөліністерінің құрылғанына 57 жыл толды. Осы күнге орай ҚР ІІМ Байқоңыр қаласындағы Өкілдігінің ұжымы Өкілдіктің тергеу саласында көптеген жылдар бойы қызмет атқарып, зейнетке шыққан ардагер запастағы полиция подполковнигі Бекішұлы Тоқтыбайды кәсіби мерекесімен құттықтап, дайындаған сый-сыяпатын табыстады.
Бекішұлы Тоқтыбай Ішкі істер органдарында 1974 жылдың желтоқсан айынан бастап қызмет атқарып, 01.11.2002 жылы ҚР ІІМ Байқоңыр қаласындағы Өкілдігінің Тергеу бөлімінің бастығы лауазымынан зейнетке шыққан.
Ішкі істер органдарында ақиқат пен әділдікті ту еткен тергеушілердің алар орны бөлек. Тергеуші мамандығы қашан да төзімділік пен сауаттылықты талап етеді. Бүгінгі күні тергеу ісінің ыстығы мен суығына төзген ардагер жас полиция қызметкерлерін өз кәсібінің шеберліктеріне үйретіп келеді.
Ұрпаққа игілік пен ізгіліктің, пайым-парасаттың үлгісін танытқан ардагер тергеуші өз кезегінде бүгінгі іс-шараны ұйымдастырушыларға алғысын білдірді.
Қызылорда облысы Полиция департаментінің баспасөз қызметі
