Қызылорда облыстық денсаулық сақтау басқармасының басшысы Жақсылық Әбдісәметов: Соңғы тәулікке жағдай тіркелген жоқ
Жақсы жаңалық! Бүгін брифинг берген облыстық денсаулық сақтау басқармасының басшысы Жақсылық Әбдісәметов аймақта соңғы тәулікте короновирус инфекциясын жұқтырған жағдай тіркелмегенін айтты.Бүгінгі күнге дейін облысымызда тіркелгендер саны – 119. Оның ішінде Қызылорда қаласы – 12, Жаңақорған ауданы – 18, Шиелі – 57, Қазалыда –1 жағдай. «Бүгінде бұл науқастардың жағдайы қанағаттанарлық, емдік хаттамаға сәйкес емдері жалғасуда» деді бас дәрігер.
Брифингте бас дәрігер облыста дертінен айыққан алғашқы науқастың жағдайын атап өтті. «Сәуірдің 13-күні облыс бойынша алғашқы науқас стационардан шығарылып, әрі қарай үй жағдайында 14 күн аймақтық емхананың бақылауында болады. 14 күн аймақтық емхананың бақылауында болады» деді.
Облыс бойынша коронавирус инфекциясы анықталған азаматтармен байланыста болған 1489 азамат, оның 828-і тікелей қарым-қатынаста, 661 азамат жанама қарым-қатынаста болғандар. Бүгінде инфекциялық стационарға 118, провизорлық стационарға -43, карантиндік стационарға – 512, барлығы 673 азамат жіті бақылауда екені атап айтылды.
«Ақмешіт ақпарат»
