Шолпан Жақсылықова: Мемлекет қолдауы – мені де қуантты
Әлем халқын әбігерге салған коронавирус біздің елімізді де айналып өтпеді. Көптің көңілінде үміт пен күдік арпалыс үстінде. Елімізде төтенше жағдай жарияланып, әрбір адам өз отбасыларында оқшауланды. Әрине, бірінші байлық денсаулық екені баршаға аян. Сондықтанда үйде отырудың маңызы зор. Адамнан адамға ауа арқылы жұғатын жұқпалы індетті осылайша ауыздықтай аламыз. Әрбіріміздің жауапкершілігіміз – ортақ қауіпсіздігіміздің кепілі.
Осы орайда, жұмыстары уқытша тоқтатылған тұлғаларға үкімет тарапынан 42 500 теңге көлемінде қаржы қарастырылып, тағайындалды. Осы жаңалықты естігенде мен қатты қуандым. Өйткені, өзім мейірбике болып жұмыс істейтінмін. Бала демалысымен үйде отырып, осы айда жұмысыма қосылуым қажет болатын. Карантинге байланысты отбасында отыруға тура келді.
Бізді осындай сәтте елеп-ескеріп, қаржылай қолдау көрсетіп жатқан мемлекеттке мың алғыс. Мен секілді қаншама адам қол жеткізіп, көңіл толқыныстарын білдіріп жатыр. Біз әрқашанда елдің амандығын, бірлігін тілейміз. Мемлекет қолдауы – мені қуантты.
