Халық мемлекет қолдауын сезінді
Дүние жүзін жайлаған коронавирус індеті бүгінгі таңда Қазақстандықтарды қатты алаңдатып отыр. Көптеген адамдар жұмыстан уақытша қысқартылды. Кейбір жұмыстар тоқтатылды. Дегенмен, осындай қысылтаяң шақта халық мемлекет қолдауын сезінді.– Мемлекеттің халыққа жасап жатқан шаралары көңілге медеу. Заңдылығына сәйкес ең төменгі жалақы ретінде берілген 42 500 теңгені менде алдым. Бір айлық азық-түлік алуға әжептеуір көмек болды. Балаларым да риза. Шын мұқтаж жандар бұл ақшаның қаншалықты қажет екенін сезінеді. Несібесіне қарай көптеген жақындарым бұл қаражатты алды. Төтенше жағдай кезінде 42 500 теңге көлемінде көмекке ие болған жандардың қарасы қалың. Тұрмысқа қажетті заттар мен азық-түлікті тегін алған адамдар да бар. Мемлекет барша азаматтарға қолдау көрсетіп, ешкімді көмексіз қалдырмады. Осындай бірліктің нәтижесінде бұл індетті жеңіп шығатынымыз анық. Сондықтан да қиындықты бірге еңсерейік, – дейді қала тұрғыны Лаура Бейсенбаева.
