Қызылордада соғыс ардагерлеріне 1 миллион 111 мың теңгеден беріледі
Қызылордада Екінші дүниежүзілік соғыс ардагерлеріне Ұлы Жеңістің 75 жылдығына орай 1 миллион 111 теңгеден әлеуметтік төлем беріледі. Бұл туралы облыс әкімі Гүлшара Әбдіқалықованың төрағалығымен өткен аппарат мәжілісінде аймақ басшысының орынбасары Серік Ахмет мәлімдеді.Бүгінде облыста 16 соғыс ардагері, 49 Ұлы Отан соғысының жесірлері және 4269 тыл ардагері бар.
«Жалпы өңірдегі 4 335 Ұлы Отан соғысының ардагерлері мен оларға теңестірілген азаматтарға біржолғы материалдық көмек көрсетуге облыстық және аудандық бюджеттен барлығы 454,8 млн.теңге бөлінген. Ұлы Отан соғысы ардагерлеріне 1 млн. 111 мың теңге әлеуметтік төлем жасалады. Қазіргі таңда 16 ардагерге 611 мың теңгеден төленді, қалған 500 мың мамыр айында жеткізіледі», – деді облыс әкімінің орынбасары Серік Әбжәліұлы.
