Бірлік түбі – береке
Төтенше жағдай режимін қамтамасыз ету жөніндегі мемлекеттік комиссияның қорытынды отырысын толық тыңдап, індеттің алдын алу және одан шығу үшін елімізде атқарылып жатқан барлық шара жөнінде толық таныстым. Осындай ел басына қиын шақ туғанда қарап қалмай, елмен етене араласып, көмек көрсетіп жатқан барша ел азаматтарына алғыс білдіргім келеді.
Ұлттық Ұлан мен Төтенше жағдай жөніндегі комитет бөлімшесі мен полиция қызметкерлері мен дәрігерлерді және қашықтықтан білім беру жүйесімен жұмыс істеп жатқан ұстаздар қауымының еңбегін ерекше атап өткім келеді.
Сондай-ақ, Оңтүстік өңірде орын алған табиғи су апаты еліміздегі ірі бизнес өкілдері мен ерікті жастар тобы құрылып, зардап шеккен тұрғындарға айтарлықтай көмек беріп, игілікті іс жасауда.
Осындай қиын шақта ел болып барша міндеттелген ережені әрі қарай да бір жеңнен қол, бір жағадан бас шығарып, сақтай білсек, бұл қиындықты да әлі-ақ артта қалдырарымыз анық.
Бұл қиындықты да еңсеріп кететінімізге кәміл сенемін. Біз біргеміз! Бірге жеңеміз!
Дүзелбек Төлемісов,
Әли Мүсілімов атындағы
№101 мектеп-лицейнің оқу ісі жөніндегі орынбасары
