Докторанттардың стипендиясын 150 мың теңгеге дейін көбейту қажет - Президент
Қасым-Жомарт Тоқаев докторанттардың стипендиясын 150 мың теңгеге дейін көбейту қажет екенін Ұлттық қоғамдық сенім кеңесінің онлайн форматтағы 3-отырысында мәлімдеді.
«Жетекші ғылыми орталықтарымызға докторантурадан кейінгі ізденіс үшін арнаулы мемлекеттік тапсырыс беру қажет. Сондай-ақ докторантураға бөлінетін гранттардың құнын арттыру керек. Докторанттардың көбі отбасылы азаматтар. Олар ғылыммен айналысқан кезде негізінен степендиямен күн көреді, жұмыс істеуге мүмкіндігі болмайды. Докторанттардың стипендиясын 150 мың теңгеге дейін көбейту қажет. Сонымен қатар, Елбасының жас ғалымдар үшін жыл сайын грант бөлу жөніндегі бастамасын жалғастырған жөн. Оны алдағы үш жылға арналған жалпы құны 3 млрд теңге болады»,- деді Мемлекет басшысы.
