Ақпарат және қоғамдық даму министрі Аида Балаева: «Журналистер өз кәсібіне адал еңбек етті»
Бүгін Елордада БАҚ саласын дамыту мәселелеріне арналған дөңгелек үстелде салалық журналистиканы дамыту жайы атап айтылды. Сондай-ақ Ақпарат және қоғамдық даму министрі Аида Балаева төтенше жағдай кезіндегі журналистердің еңбегін атап өтті. «Қиын-қыстау тұста журналистеріміз де дәрігерлер мен полицейлер және әскерилермен қатар өз азаматтық позицияларынан айнымай, қауіпті алғашқы шебінде жүрді. Халықты шынайы ақпаратпен қамтамасыз етіп отырды. Жасыратыны жоқ, журналистерге қосымша қауіпсіздік шаралары жасалмаса да, тілшілер қауымы мен қаншама техникалық қызметкерлер өз кәсібіне адал еңбек етті», – деді министр.
